धादिङ, / धादिङमा पहिलोपटक पीडा गाविस वडा नंबर २ गलौदीमा वातावरणमैत्री ढंगले
इट्टा उत्पादन शुरु भएको छ । राजधानी ब्रिक प्रालिले २ करोड ५० लाख
रुपैंयाको लगानीमा एक सय रोपनी जग्गा भाडामा लिएर उद्योग सञ्चालन गरेको हो ।
काठमाडौमा मात्र उत्पादन गरिने यस्ता ईट्टा अरु जिल्लालाई नपुग्ने भएपछि
धादिङमा उद्योग सञ्चालन गरिएको सञ्चालक विजय भट्टराईले बताउनुभयो ।
वातावारणमैत्री इट्टा उद्योगमा काठका विद्युत र कोइलाबाट इट्टा पोल्ने
व्यवस्था मिलाइएको छ । ‘विद्युत र कोइलाबाट ईट्टा पोल्दा नेपाल सरकारले
तोकेको प्रदुषण सम्वन्धी मापदण्ड भन्दा आधामात्रै प्रदुषण हुन्छ’ अर्का
सञ्चालक श्याम महर्जनले भन्नुभयो ।
पछिल्लो समयमा ईट्टा भट्टामा धेरै दाउरा खपत भएका कारण उद्योगले विकल्प
खोजेको हो । समयमै दाउराको विकल्प नखोजे वनजंगल सकिने मात्र होइन इट्टा
उद्योग नै धरासायी हुने सम्भावना देखेर विद्युतीय प्रविधिबाट ईट्टा पोल्ने
प्रविधि ल्याएको सञ्चालकहरुको भनाई छ ।
उद्योगमा आधुनिक मेशिनद्वारा प्रति घण्टा ८ हजार ईट्टा उत्पादन गरिन्छ ।
कम लागतमा इट्टा उत्पादन हुने भएकाले एउटा इँटाको ८ रुपैयांसम्म बिक्री
गर्न सकिने सञ्चालकले बताएका छन् । उद्योगमा दैनिक १ सयजना मजदुरले काम
गर्दै आएका छन् ।
No comments:
Post a Comment