काठमाण्डौ (सिंहदरवार)÷पछिल्लो समय त्रिशुली नदीको अस्तित्वनै समाप्त पार्ने गरी भईरहेको अवैध वालुवा उत्खनन् रोक्न प्रधानमन्त्री डाक्टर .बाबुराम भट्टराईले तत्काल आवश्यक कदम चाल्ने वताउनु भएको छ ।
पृथ्वीराजमार्ग हुँदै यात्रा गर्ने क्रममा नदीमा यत्रतत्र मेसिन प्रयोग भएको देखे पनि नियम संगत हो होईन भन्ने कौतुहलता जाग्ने गरेको बताउँदै सम्बन्धित निकायहरुलाई नदी उत्खनन कार्य रोक्न तत्काल निर्देशन गरेर त्रिशुली नदी अतिक्रमण रोक्ने प्रधानमन्त्री भट्टराईले प्रतिवद्धता व्यक्त गर्नुभएको छ । नदी उत्खनन् गरी अवैध रुपमा बालुवा चोरी निकासी बढेपछि त्रिशुली बचाउ साझा सञ्जाल धादिङले अतिक्रमण रोक्न प्रधानमन्त्रीलाई आवश्यक कदम चाल्न अनुरोध गर्दै ज्ञापन पत्र बुझाएको हो । अवैध तस्करी रोक्न जिल्ला विकास समिति, स्थानीय प्रहरी प्रशासन र जिल्लाका जिम्मेवार राजनीतिक दलले चासो नदिएको भन्दै प्रधानमन्त्रीको ध्यानाकर्षण गराईएको सञ्जालका संयोजक उत्तम कंडेलले बताउनुभयो ।। हाल धादिङ र नुवाकोट जिल्लाका त्रिशुली बगरमा २ दर्जन भन्दा बढी स्काभेटरले अवैध रुपमा नदी उत्खनन् गरी वालुवा चोरी निकासी गर्दैआईरहेका छन् । जिल्ला विकास समितिले लिने प्राकृतिक स्रोत निकासी कर बाहेक कुनै किसिमका मुल्य नतिरी त्रिशूली नदीवाट अवैध रुपमा प्राकृति श्रोत उत्खनन गरि सिमित व्यापारीहरुले श्रोत माथि लुट मच्चाउंदै आइरहेका छन् ।
No comments:
Post a Comment